Qu’ét-o qu’o l’ét çheu ?
La toèle de façun, o l’ét in apaçhetajhe rempllaçant le papé d’alu et le pllastic alémentàire. Boutiquaé avec dos matriaus raspectant l’envirounement pi reserviablles su’ine bedaie de 6 moés à ine an-naie, soun usajhe parmét d’abravàe la dounaciun de défrujhes vrimous dépeu lou fesajhe jhusqu’à lou éboullajhe à la fin do cunte.
La Toèle de façun o l’ét itou do parlanjhe: le poétvin-séntunjhais, causaé aut’fé pi cor aneut dans la cuntraie voure ét boutiquaé la Toèle.
çhel apaçhetajhe abeurjhe vous pllats, moques, gajhes, etc pi o l’ataupe ranjhement beun vous sandwiches, mourças d’ feurmajhe d’lét cru, vous brioles, fruts pi léghumes.
O peut itou ataupae vout’ brusse à dent o bé vout’ sabounette de voéyajhe.
O’lét mirpous !
Prdèque la Toèle à façun ?
Choési in tall çh parmét qu’o sèye mé durablle et de soucé coume:
– afavouràe dos chouses jhornouses reserviablles coume dos apaçhetajhes de menjhalle
– rempllaçàe dos matères vrimouses au fesajhe ét / bédin à l’ouvrajhe coume le pllastic pi l’alu.
– o rabounzi l’agat de fesajhe de la Toèle avec le choés dos matéres peurmères dezard mé de çhaulun pi écoulojhiques
– s’empougnàe cont’la surcunsoumaciun
– o fàit bia dans sun frédsissour, o fàit jholi dessu ses abréns
– o l’ét bé quemode en vrnàu